Información Turística del Municipio de Cerceda, A Coruña, España

Información Geral:

Cerceda é un Concello da Provincia da Coruña en Galicia, España. Pertenece a comarca de Ordes. Situado nun entorno rural, Cerceda ten ademais un importante desenvolvemento industrial. Na contorna destacan o pazo de Lavandeiras e o seu parque acuático, o único deste tipo en toda Galicia.

Cando o viaxeiro pon rumbo cara Galicia, Santiago é un deses destinos que non pode deixar pasar. A cidade, Patrimonio da Humanidade da Unesco desde 1985, conta cunha das zonas históricas máis importantes do mundo. Son imprescindibles as visitas á Catedral e o Pórtico da Gloria, así como ás prazas emblemáticas do Obradoiro, a Quintana e o Toural. Ademais, o visitante ten ducias de igrexas, conventos e pazos de todos os estilos, desde románico ata barroco ou gótico.

Pasear por Compostela, perderse nas calellas e atopar, de súpeto, unha maxestosa praza, un mosteiro ou mesmo unha solemne facultade, é unha experiencia única que nos invita a viaxar no tempo e confundirnos entre os peregrinos, compartindo con eles a emoción de pisar, por vez primeira, a praza do Obradoiro e deixar voar a vista e o espírito ante un dos templos máis importantes da historia da humanidade.

Outro dos espectáculos que non se pode perder é a vista de Compostela que teñen os paxaros, que se consegue subindo ás cubertas da Catedral, e que xa recomendaba o Codex Calixtinus hai nove séculos.

CAMIÑO DE SANTIAGO:

O mellor xeito de chegar a Compostela, desde hai xa dez séculos, é percorrer o Camiño de Santiago, unha das rutas de peregrinaxe máis coñecidas e practicadas de todo o mundo. Máis de 300.000 persoas ao ano utilizan a ruta máis antiga de Europa para darlle a tradicional aperta ao apóstolo.

A ruta máis coñecida é a que parte de Roncesvalles, en Navarra, o Camiño Francés. O seu tramo galego iníciase no Cebreiro, unha fermosa aldea de orixe prehistórica, e chega a Santiago polo monte do Gozo, punto álxido do Camiño desde o que se divisa a Catedral por primeira vez.

Entre os itinerarios xacobeos acadan cada vez máis pulo outras vías históricas como o Camiño Portugués e o Camiño do Sudeste-Vía da Prata, que conectan os veciños lusos e Andalucía con Galicia. Recuperouse tamén o Camiño Primitivo, moi frecuentado durante o Medievo, xunto co Camiño do Norte, polo que chegan viaxeiros de toda Europa, menos os ingleses que teñen a súa propia ruta, o Camiño Inglés, que se inicia tanto na Coruña como en Ferrol. Os itinerarios acuáticos están presentes tamén na ruta do Mar de Arousa e río Ulla. E para completar a experiencia, tamén se pode optar pola única ruta que ten Santiago como punto de partida e un inmellorable punto final: o Camiño Fisterra-Muxía.

Lugares de Interés:

· IGLESIA DE RODIS: Situada en Atrio (Rodís) supone una mezcla del estilo románico y posterior remodelación neogótica, su origen se remonta al siglo XII. Catalogada como patrimonio artístico de la humanidad.

· IGLESIA DE ENCROBAS: De estilo románico, ha sido restaurada y trasladada a Pontoxo debido a los trabajos mineros. Su antigua ubicación era el hoy desaparecido Gontón. Su origen data del siglo XII. Catalogada como patrimonio artístico de la humanidad.

· IGLESIA DE MEIRAMA: Catalogada como patrimonio artístico de la humanidad.

· PAZO DE LAVANDEIRAS: casa solariega de la hidalguía gallega situada en el lugar de Lavandeiras, próximo al nucleo de Cerceda.

· PAZO DE ENCROBAS: reubicado por LIMEISA, empresa minera, en la actualidad está dedicado a oficinas de esta empresa.

O patrimonio artístico e cultural das Terras de Santiago é dun valor incalculable. Ademais de todas as igrexas vinculadas ao Camiño, existen importantes conxuntos de arquitectura relixiosa como o mosteiro de Santa María de Sobrado, e de edificación civil, que nos leva aos tempos do esplendor das grandes familias, como os pazos de Faramello, en Rois, e Santa Cruz de Ribadulla, en Vedra.

Estas terras ofrecen tamén numerosas mostras megalíticas como o castro de Socastro en Rois, con vellas lendas de tesouros agochados, ou a Pedra do Home, en Val do Dubra, un antigo cemiterio que segue o rito cristián. Na arquitectura funeraria destacan o famoso dolmen de Cabaleiros en Tordoia, que permanece nun excelente estado de conservación, e os petróglifos de San Xoán da Riba na Baña.

Os visitantes que queiran percorrer aldeas con encanto están no destino correcto; aquí atoparán espalladas por toda a súa extensión casas de pedra cos seus hórreos típicos, entre as que figuran Angueira de Castro en Rois ou Furelos en Melide.

· MUSEOS: Históricos, gastronómicos, etnográficos, relixiosos, artísticos... En Compostela e a súas comarcas chama a atención a oferta museística non só da capital, senón tamén de toda a súa contorna. Os museos da Catedral e das Peregrinacións son os dous imprescindibles para comprender a transcendencia do Camiño e da historia dun dos templos máis visitados do mundo. Os galegos máis ilustres descansan no seu panteón do Museo do Pobo Galego, moi preto dunha das principais mostras da arquitectura moderna, o Centro Galego de Arte Contemporánea, deseñado por Álvaro Siza, autor tamén do trazado do precioso parque de Bonaval, tamén nesta zona e que ocupa un antigo cemiterio. Outra visita que non se pode deixar pasar é a Cidade da Cultura, unha impoñente obra de arquitectura contemporánea construída no monte Gaiás. Seguindo pola ruta xacobea atopamos o Museo da Terra de Melide, antigo hospital de peregrinos, que recolle a memoria da historia e cultura da zona. Os costumes e tradicións galegas perviven tamén no Museo do Traxe Juanjo Linares, en Ordes, ou no da Pesca, en Vedra. A gastronomía está moi presente en Arzúa, con dous interesantes propostas: o museo Vivinte do Mel e o Centro de divulgación do Queixo e do Mel. Dedicados á interpretación da natureza figuran o centro do Pico Sacro, en Boqueixón, o do río Ulla ou o da Terra do Xallas. O tributo ás nosas letras atopa os seus grandes expoñentes na Casa-Museo Rosalía de Castro, en Padrón, e tamén nesta localidade a Fundación Pública Galega Camilo José Cela, dedicada á figura e obra do Nobel galego.

Gastronomía e Festas Populares:

· Fiestas de Nuestra Señora del Monte Carmelo: son las fiestas más importantes y se celebran a mediados de julio.

· "A Feira das Nenas": se celebra en A Silva el tercer domingo del mes de abril.

· "San Cristóbal": se celebra el primer domingo del mes de julio.

· "As Dores" se celebran en Meirama en el mes de septiembre. Era una romería tradicional en el que los vecinos de otras parroquias se acercaban a la de Meirama en el mes de septiembre para honrar a la Nuestra Señora de Los Dolores y en la que se terminaba con una comida campestre.

· FESTAS E FEIRAS: Compostela é unha cidade festeira, con romarías como a da Ascensión, que enche de artesanía, música, gastronomía e entretemento rúas e prazas. Pero, sen dúbida, as de maior pegada son as festas en torno ao día de Santiago, o 25 de xullo. Durante ese mes, Compostela bate marcas de afluencia, que culminan nos tradicionais fogos do Apóstolo diante da fachada da Catedral, especialmente impoñentes cando coincide co Ano Santo.

En Terras de Santiago destacan tamén pola súa singularidade o Entroido dos Xenerais da Ulla. Esta festa declarada de Interese Turístico de Galicia en 2013, escenifica os combates entre os Xenerais da Guerra de Independencia mediante coplas rimadas.

· GASTRONOMÍA: Se o patrimonio cultural é amplo, a oferta gastronómica nas Terras de Santiago aínda o é máis. Os amantes da boa mesa poden probar moitos produtos típicos, como a famosa torta de Santiago, o polbo de Melide, o queixo Arzúa-Ulloa, a augardente de Vedra, as filloas de Lestedo, as troitas de Oroso, os champiñóns de Ordes, o pemento de Herbón, o galo piñeiro do Pino... Case todas estas delicias teñen asociadas a súa propia festa gastronómica, algunhas delas de interese turístico, xunto con outras importantes como a Exaltación do Viño da Ulla en Vedra, a Festa do Melindre en Melide, a do Carneiro ao Espeto en San Xulián de Sales (Vedra) ou a do cochiño en Cerceda.

Natureza:

As paisaxes fluviais son o gran tesouro do interior destas terras, onde os ríos, o Tambre e o Ulla, xeran uns ecosistemas únicos. Estes ríos son coñecidos polas súas troitas, escalos e salmóns, e contan cunhas estupendas praias fluviais e áreas recreativas. O río Tambre ten un dos seus puntos máis impresionantes na ponte Maceira, entre Ames e Negreira. Esta gran ponte de pedra, do século XIII, e o conxunto monumental formado polo poboado primitivo, rodéanse dunha frondosa vexetación e dos saltos de auga do río nunha das imaxes máis fotografadas da comarca por turistas e peregrinos. Como puntos de referencia paisaxística e natural atopamos tamén a carballeira da Mota, en Arzúa, onde os pais plantaban os carballos pola crenza de que así os seus fillos librarían do servizo militar. Xa en Touro, o sobreiral do Ulla é un bosque cheo de árbores centenarias que compite en riqueza paisaxística con fervenzas como as do Inferniño ou Salto das Pombas, na mesma localidade, así como as das Hortas, en Arzúa e Ínsua, en Val do Dubra.

Agochadas entre os bosques de ribeira, as augas caídas das fervenzas e os impresionantes miradoiros consérvanse os mitos e lendas como o do impresionante Pico Sacro, en Boqueixón. Alí a Raíña Lupa mandou construír un sepulcro para o Apóstolo, sen saber que no lugar estaba a cova do Inferno, onde vivía un dragón. Os miradoiros da Pena ou Coto de San Sebastián, en Touro, e o do Picoto, no Val do Dubra, son outras atalaias perfectas para contemplar o esplendor da paisaxe do corazón de Galicia.