Información Turística de Mañueta, Alava, España

Informazio orokorra:

Mañueta / Baños de Ebro udalerria. Azalera: 9,46 Km². Altitudea: 425 m. Biztanleak: 358.

Historia:

Mañueta landa eremuko udalerria da, eta Ebro ibaiaren urertzean dago. Mañueta / Baños de Ebro egungo izen elebiduna 1997. urtean hartu zuen. Biztanle gehienek nekazaritza eta, zehazki, mahastizaintza dute ogibide. Hurbil dagoen San Kiles mendian herri gotortu protohistoriko baten aztarnak, Burdin Aroko zeramika dekoratuak eta erromatarren hondakinak aurkitu dituzte. Erdi Aroan herria Baños de Navarra deitzen zen. Guardiako hiribilduaren barrutikoa izan zen, 1666. urtean hiribildu bihurtu zen arte.

Ondarea:

Ondarea: Herrian eraikin zibilak nabarmentzen dira. Kale Nagusian etxebizitza errenazentista bat dago, XVI. mendekoa, harlanduz egina. Iturri plazatxoan XVIII. mendeko eraikin barroko bat dago.

Antiguako Andre Mariaren parrokia eliza. Atari barrokoa du, XVIII. mendekoa. Fabrika bi garaitakoa da, lehena XVI. mendekoa eta bigarrena XVIII.ekoa. Gurutze latindarreko oinplanoa du, burualde zuzenekoa, eta nabeak hiru atal dauzka. Erretaula nagusia barrokoa da, XVII. mendekoa. Dorrea, XVIII. mendekoa.

San Kristobalen baseliza. Oinplano laukizuzena du, burualde oktogonalekoa.

Jaiak:

Uztailaren 10ean, San Kristobalen ohoretan, eta abuztuaren 24an, San Bartolomeren ohoretan.