| Udalerriaren lurretan dago “El encinal” trikuharria, esparrua ixten duten sei lauza dituena. Horrez gain, Chabola de La Hechicera trikuharria dugu, Euskal Herriko garrantzitsuenetako bat. Tumuluak bi solairu zentrokide ditu, erdian ganbera heptagonala duela eta korridorea bereizte lauza baten bidez erdibitua. 9 lauzak osatzen dute ganbera, irudi poligonala eratuz; 5 lauzak eta ixteko lauzek eratzen dute galeria. Giza gorpuzkinez gain, hainbat gauza aurkitu zituzten: harrizko kolpekariak, aizkora leunduak, zeramika puskak eta abar. |
|
Herriko plaza Arabako onenetariko bat da, daukan tamainari, erregulartasunari eta ikuspegi zabalari erreparatuta. Laukizuzena da, eta XVIII. mendeko plazen ohiko antolamendua du: laukizuzen bat, alde laburretan, aurrez aurre, udaletxea eta eliza dituena, eta alde luzeetan oinetxeak. |
|
Jasokundeko Andre Mariaren eliza. XVI. mendearen hasieran ekin zioten eliza eraikitzeari. Herriko antzinako gazteluaren gainean eraiki zuten; oraindik ikus daitezke gazteluaren hormak atari nagusian. Nabea oso garaia da, eta areto erako oinplanoa du. Korurako sarbidea nabarmendu behar da, berebiziko eskailera dauka eta. XVIII. mendeko bataiarria ere artelan bikaina da. |
