Información Turística de Lapuebla de Labarca, Alava, España

Informazio orokorra:

Lapuebla de Labarca udalerria. Azalera: 5,99 Km². Altitudea: 492 m. Biztanleak: 920.

Historia:

Udalerri hau “Misamayor” muinoaren hegoaldeko hegalean dago. Herriaren jatorria zor zaio Guardiak Ebro ibaia txalupaz gainditzeko zeukan beharrari, Nafarroako Sonsierra Gaztelarekin lotzeko. Erdi Aroan ibilbide horrek errege igarobidearen maila erdietsi zuen. Lapuebla de Labarcak ibaia zeharkatzeko txalupa horretatik (“barca”) hartu zuen izena. Guardiatik 1631. urtean bereizi zen.

Ondarea:

Jasokundeko Andre Mariaren eliza. XVI. mendeko eraikuntza da. Ataria arku handi baten gerizpean dago. Arku horrek bost arku eskartzanoko arkupe bati eusten dio, alboetan bi dorre desberdin daudela. Oinplano laukizuzena du. Arkuak zorrotzak dira, eta gangek giltzarri platereskoak dituzte. Erretaula Errenazimentukoa da, eta zantzu barrokoak ditu eskultura eta erliebeetan; lehen ataleko eta tabernakuluko irudiak nabarmendu behar dira. Nabean zehar XVII. eta XVIII. mendeko beste erretaula batzuk daude. Assako Andre Mariarena nabarmendu behar dugu. “Andra Mari” motakoa da, XIII. mendearen amaierakoa edo XIV.aren hasierakoa.

Jaiak:

Abuztuaren 24an, San Bartolome egunean, eta otsailaren 3an, San Blas egunean.